Per la vschinauncha da Puntraschigna es la chüra da la cultura tradiziunela, da las üsaunzas, da la lingua e la promoziun da la spüerta culturela contemporauna da grand’importanza. Cun üna politica positiva invers la cultura aspirescha ella ad ün augmaint da valur per Puntraschigna scu "lö da cultura". Quist ingaschamaint intermediescha autenticited, promouva identited ed es eir important scu criteri pel svilup da Puntraschigna. Culla Cumischiun da cultura da la vschinauncha, Puntraschigna Cultura, vegnan quists böts perseguitos. Ün program annuel vario dess resguarder tuot ils interess culturels da la populaziun. Exposiziuns ed occurrenzas cun importanza sur il lö our scu eir la surdeda dal Premi culturel da Puntraschigna dessan procurer per nouvs impuls per la vschinauncha.