sanda, 30 december 2023
Pumuckl - musical per iffaunts
"Hurra, hurra, il Pumuckl es cò!" Ün'istorgia amüsanta, acturas ed actuors inchantants e chanzuns commoventas. Il musical per iffaunts es ün grand plaschair per tuot la famiglia. Versiun tudas-ch svizzer.
Center da cultura Rondo Puntraschigna, a las 17.00
Entreda: fr. 41.- / fr. 32.-*
Vendita da la saira & prevendita
Venderdi, 26 schner 2024
Il walkman da Lüzza
Christian Schocher muossa aint il Cinéma Rex il film da cult davart il viedi da Lüzza illa granda cited. Üna zoja cineasta i’l ambiaint sociel e commovent da Turich a la fin dals ans 80. Cun Thomas Pfister illa rolla principela e musica da Baby Jail, La Lupa ed oters. In seguit vain spüert ün apéro illa Sela culturela.
Cinéma Rex Puntraschigna
A las 20.30
Entreda fr. 15.- / 8.-*
venderdi, 1. marz 2024
Viva il Chalandamarz
Ün grand di per tuots! La vegl'üsaunza vain festageda cun cortegi, chaunt e ster da cumpagnia. A mezdi ans inscuntrains aint il Sporthotel. Cun latmielch e chastagnas ed oters pasts tradiziunels e culla "Chapella Alp Laret".
Sporthotel Puntraschigna
Gianter da las 12.00 fin a las 14.00
Annunzcha Sporthotel: 081 838 94 00
Download Flyer mit Umzugsprogramm | program dal cortegi 2024
Fin d'eivna 6/7 avrigl 2024
Improflow Workshop Drauffischem
Dad entusiasmer a glieud da minch'eted pel teater, que es la finamira da Lorenzo Polin cun sieu lavuratori dad improvisaziun per teatrists. La ballarina ed interpreta Myriam Gurini maina muvimaint aint il teater, inua cha minchün po parteciper. Ch'Els ed Ellas improviseschan DRAUFFlos!
Lavuratori: Sela Culturela Puntraschigna
da las 12.30 - 17.00
fr. 150.- / Scolaras e scolars fr. 50.-,
Reservaziun: www.drauff.ch
dumengia, 30 gün 2024
Open Doors Engadin: Concert cun "Incantanti"
Pel cumanzamaint dals girs dad Open Doors Als aspetta la bunura bod ün concert ed üna guida illa baselgia Sta. Maria. Chaunt da cor sün fich ot livel e coerenzas cull'istorgia d'art dad üna da las pü bellas baselgias dal chantun Grischun.
Baselgia Sta. Maria Puntraschigna
A las 06.30
Entreda: collecta
Reservaziun necessaria
gövgia, 4 lügl 2024
Sgrafits - ornamaint, misteraunza, tradiziun
Josin Neuhäusler Als introdüa in sieu atelier aviert in quista tecnica veglia da la pittüra da sgrafits e declera a maun da chesas veglias a Puntraschigna bger interessant davart quista particularited engiadinaisa. Els/Ellas paun güsta svess s-chaffir ün'algordanza düraunt "Viva la Via".
Via Maistra Puntraschigna, a partir da las 16.00 (atelier)
A las 16.30 ed a las 18.30 ho lö ün referat
Entreda: libra
sanda, 17 avuost 2024
Tavolata del Risotto e Rock'n Roll
Üna concurrenza divertaivla da tschinch cuschinunzas e cuschinunzs paschiunos. Cun lur recettas squisitas as suottamettan els al güdicat dal public. Ün evenimaint da risotto cun supplemaints dal gril ed ün concert dals "STONE AGE TEENIES".
Plazza Rondo Puntraschigna
12.30 Apéro, 13.00 Risotto, 13.30 e 14.30 musica
Entreda fr. 25.- / fr. 15.-* (per coperto, risotto e concerto)
venderdi, 30 avuost 2024
Cafè da scienza
Glüsch – our da la perspectiva dad art, medicina ed industria
La glüsch magica da l'Engiadina es tema d'ün cafè da scienza speciel. I'l ram da la granda exposiziun "Splendur e sumbriva" i'ls museums engiadinais, Als spetta üna discussiun interdisciplinara da scienza ed art, traunter oter cul artist e fotograf Guido Baselgia.
Hotel Walther Puntraschigna
A las 18.30
Entreda libra cun Apéro
A las 17.30 ho lö ill’exposiziun «Guido Baselgia: I’l ögl da la glüsch» aint il Museum Alpin a Puntraschigna üna guida speciela cun l’artist persunelmaing. L’entreda es libra. 25 plazzas. Reservaziun tar +41 81 838 83 49 u museum@pontresina.ch.
venderdi, 27 settember 2024
Festa da maruns
La veglia tradiziun dals scolars da Puntraschigna es intaunt dvanteda üna festa per tuots. La Castagnata cumainza nouv üna mezz'ura pü bod, ho però lö scu adüna süll'Alp Nouva a Morteratsch. Ster da cumpagnia pachific cun musica, chaunt, damanger e dabaiver.
Chascharia Morteratsch
A partir da las 16.30
Maruns a discreziun
specialiteds
trategnimaint per iffaunts
Fin d'eivna, 12/13 october 2024
"Klapperlapapp"
Sfundrer in muonds esters e piglier part a diversas aventüras e bravüras cullas megldras raquintedras e'ls meglders raquinteders da la Svizra, in cuntredgia incumparabla, suot vegls larschs mellan d'or e traunter il tschüvlöz dals utschels.
Palc God da Tais
Da las 10.00 fin a las 16.30
Entreda: ca. fr. 25.- / 12.-*
Venderdi, 25 october 2024
Desditta: Occurrenza "Fenomen da la chatscha grischuna"
L'occurrenza planiseda per quist an "fenomen da la chatscha grischuna" cun Hannes Jenny es, pro causa, annulleda. L’occurrenza vain spusteda e la nouva data vain comunicheda a temp.
Nouva vain spüerta l’occurrenza: L’aivla – nouvas scuviertas da vart dal raig dal spazi da l’ajer
L’aivla fo uossa part indispensabla da la cuntredgia alpina. David Jenny es daspö 45 ans fatschendo cun retscherchas d’aivlas e respuonda in sieu referat eir la dumanda scha l’aivla porta cun radschun auncha hoz il titel "il raig dal spazi da l’ajer".
Sela Culturela Puntraschigna
A las 20.30
Vendita da la saira
Entreda fr. 15.- / 8.-*
venderdi, 15 november 2024
PÖSTLI GOES CULTURE
Inscunter cun autuors indigens e lur observaziuns divertentas davart l'istorgia contemporauna da Puntraschigna. Beat Schellenberg, alias Aram Seelig e Dominik Brülisauer s'inscuntran aint il "Pöstlikeller" da l'hotel Maistra 160. Cun musica da Patrik Würms
Pöstlikeller, Via Maistra 160 Puntraschigna
A las 20.30
Entreda: fr. 15.- / 8.-*