Sanda, 19.08.2017 a las 13.00
Camping Morteratsch
Üna concurrenza divertenta cun tschinch cuschinunzas e cuschinunzs paschiunos. Cul resultat da lur recettas as preschaintan els al güdicat dal public. Ün evenimaint stupend pel gust, accumpagno da specialiteds dal gril e dal concert da "Jojo and the Dinosaurs"
Venderdi, 24.03.2017
Cinema Rex Puntraschigna
"Inscunter cul oter" es il tema da quatter films commovents chi dessan promouver il dialog cul muond. Düraunt il di vegnan mussos films per iffaunts e giuvenils. In collavuraziun culla Butia dal muond e cul Cinema Rex.
Marculdi, 1. März 2017 da partir da las 11.30
Hotel Post Puntraschigna
La Cumischiun bilinguited invida al gianter tradiziunel da Chalandamarz. Ün evenimaint da cumpagnia cun algordanzas al temp da scoula, a las bellas chanzuns da Chalandamarz e trats tipics.
Giövgia, 23.02.2017, a las 20.30
Center da cultura e congress Puntraschigna
Il Siciliaun da Palermo ans inchantaro darcho cun sia vusch, sia ghitarra e sieu clavazin düraunt sia turnea tres Europa. Pippo Pollina vela scu ün dals meglders chantautuors taliauns.
Venderdi, 20.01.2017, a las 20.30
Hotel Walther, Puntraschigna
Las auturas Cordula Seger e Bettina Plattner-Gerber prelegian our da lur ouvra nouv cumparida: Engadin St. Moritz – Ein Tal schreibt Geschichten... Ün purtret vivaint davart il passanter da 40 umauns.
Venderdi, 30.12.2016, a las 17.00
Center da cultura e congress Puntraschigna
Musical per iffaunts cun chanzuns fras-chas, bger divertimaint ed üna pruna fracasch. La prubabelmaing pü cuntschainta matta cullas tratschoulas cotschnas festagia cun sieus amihs Tommy ed Annika sieu anniversari e lotiers passaintane bgeras aventüras.
19.12.2016 fin 21.10.2017
Museum Alpin Puntraschigna
Giasts inglais düraunt il 19evel tschientiner e lur baselgia, The Holy Trinity Church a Puntraschigna, sun il tema da l'exposiziun speciela i'l Museum Alpin. Persunaliteds, tradiziun ed architectura dal 1860 fin 1900.
Exposiziun dals 24.06. fin19.10.2017
Via Maistra Puntraschigna
14 artists excellents dal Grischun e da la regiun da giast da la Svizra da l'ost ed il Principedi da Liechtenstein preschaintan lur installaziuns contemporaunas.