lündeschdi, 30 december 2024
La pitschna stria - musical
"La pitschna stria" svoula sün sia scua e's striuna i'ls cours da pitschen e grand. Ün spass da striögn per tuot la famiglia davart il curaschi, d'ir sia egna via. Ün'istorgia entusiasmanta dad Otfried Preussler, musica per svuler davent e bger ocuspocus.
Center da cultura Rondo Puntraschigna
a las 17.00
Vendita da la saira & prevendita :
Entreda: fr. 37.- / fr. 29.-*
Venderdi, 7 favrer 2025
Stagiun morta? Stabel!
Ün cabaret musical cun scharm e glüschur, implieu cun chanzuns, mel da cour ed istorgias grotescas. Il pianist Nathan Schocher e la chantadura ed actura Marietta Jemmi preschaintan scu "Duo Liebestoll" lur instrucziuns per surviver la stagiun morta. Ün viedi sülla stüertaröla musicala tres stils, linguas e geners.
Sela Culturela Puntraschigna
A las 20.30
Vendita da la saira
Entreda fr. 20.- / 8.-*
Sanda, 1. marz 2025
Chalandamarz cun Göri Klainguti
Üna posa da mezdi musicala e poetica cun latmielch, chastagnas ed oters trats tradiziunels, cul scriptur Göri Klainguti e la "Chapella Alp Laret". Trategnimaint e ster da cumpagnia fin cha'l cortegi dals scolars vo inavaunt il zievamezdi. Eviva il Chalandamarz!
Sporthotel Puntraschigna
Gianter da las 12.00 fin a las 14.00
Annunzcha Sporthotel: 081 838 94 00
Venderdi, 4 avrigl 2025
Fenomen chatscha grischuna - ün inscunter da natüra e cultura
Hannes Jenny - biolog da Zizers - demuossa, cha la chatscha in Grischun nun exista be dal latin da chatscheders davart ün pêr trofeas sajettedas, dimpersè es ün bain culturel ed accumplescha hozindi eir criteris da dürabilited.
Sela Culturela Puntraschigna
A las 20.30
Vendita da la saira
Entreda fr. 15.- / 8.-*
Sanda, 14 gün 2025
Bainvgnieus aint il talvo
Martina Shuler invida ad üna saireda culturela aint il talvo, quista vouta cun üna prelecziun da Franz Hohler, musica da Martina Linn ed il linguist Chasper Pult. Üna necessited per indigens e tuot ils simpatisants da la cultura engiadinaisa. Cun apéro e trais salüds cultivos our da la cuschina.
Chesa Pitschna, Puntraschigna, a las 18.00
Plazzas limitedas be cun reservaziun:
entreda fr. 35.- / 18.-*
Venderdi, 4 lügl 2025
Da l'influenza culinarica dals chantunais sül Grischun
Dominik Flammer e Rolf Gremlich raquintan, cu cha vendemgeders, signuns, furners e purs da las regiuns chantunaisas haun influenzo la culinarica grischuna. Üna saireda chi fo plaschair, cun menü adatto e vins adequats al tema.
Hotel Maistra 160 Puntraschigna, a las 19.00
Plazzas limitedas
Be cun reservaziun: Hotel Maistra 160: 081 842 61 60
Entreda: fr. 80.-
Dumengia, 31 avuost 2025
Delicatezza per mamvagliers
La bunura bod Als spettan las chanzuns da l'ensemble "La Triada" in üna da las pü bellas baselgias da l'Engiadina, la baselgia Sta. Maria. Astrid Alexandre, Ursina Giger e Corin Curschellas interpreteschan a capella chanzuns populeras bod schmanchedas in armonias müravgliusas.
Baselgia Sta. Maria Puntraschigna, a las 6.30
Entreda: collecta
Venderdi, 26 settember 2025
Festa da maruns
La Castagnata ho lö scu adüna aint illa chascharia süll'Alp Nouva a Morteratsch. La veglia tradiziun dals scolars da Puntraschigna es intaunt dvanteda üna festa per tuot la famiglia. Ster da cumpagnia pachific cun musica, chaunt, damanger e dabaiver.
Chascharia Morteratsch
A partir da las 16.30
maruns à discrétion
specialiteds
trategnimaint per iffaunts
Fin d'eivna, 4/5 october 2025
Klapperlapapp
Circundo dad üna cuntredgia incumparabla, suot larschs mellan d'or, immez il tschüvlöz dals utschels, sfundrer in muonds esters, diversas aventüras e bravüras - cullas megldras raquintedras e'ls meglders raquinteders da la Svizra.
Palc God da Tais
Da las 10.00 fin a las 16.30
Entreda: ca. fr. 25.- / 12.-*
Venderdi, 10 oct. 2025
Espace Public Space
Artist-Talk cullas artistas e culs artists da la 7evla Triennala per art contemporauna, las Vias d'art a Puntraschigna 2026. Discussiun davart il tema: "Inüngür nu funcziuna il dialog traunter art e public uschè immediatamaing scu i'l spazi public". In seguit inscunters tar Art & Dine.
Hotel Saratz Puntraschigna
Artist Talk il Salon Rouge, a las 18.00, entreda libra
Art & Dine cun reservaziun
Hotel Saratz: 081 839 40 00
Entreda fr. 75.-
Venderdi, 14 november 2025
Engiadina - lö da mordraretschs
Illa seria Pöstli Goes Culture raquinta Thomas Barfuss l'istorgia dal crimi in Grischun e guarda davous las culissas da quist affer da mordraretschs. In Engiadin'Ota vain mordragio in divers crimis fich diligiaintamaing. L'actur Marco Luca Castelli giova scenas lotiers. In collavuraziun cul Institut per perscrutaziun da cultura in Grischun.
Pöstlikeller, Via Maistra 160 Puntraschigna
A las 20.30
Vendita da la saira
Entreda: fr. 15.- / 8.-*