Il focus da Puntraschigna cultura as drizza a la debatta cun art contemporauna. La seria d’exposiziun Vias d’art Puntraschigna fuorma ün pais dal program. Och exposiziuns cun sur 100 artists sun fin uossa gnidas organisedas ed haun chatto attenziun naziunela ed internaziunela. Ma eir l’exposiziun art e misteraunza illa Sela culturela e l’exposiziun da sted cul artist da fotografia Guido Baselgia (2016) pisseran, cha Puntraschigna vegna percepieu adüna dapü scu "lö da cultura".

Granda attenziun vain regaleda a l’intermediaziun da l’art. La debatta da la vschinauncha cun art vain sustgnida tres l’adöver dal spazi public, tres guidamaints, tres integraziun a progets da la populaziun indigena, tres involver dad artists indigens, tres lavuratoris per iffaunts e giuvenils, tres intermediaziun d’art in classas da scoula. In quista sparta sun formats scu „Art es, que cha’s fo“, trainees Snowart, il lavuratori cun Guido Baselgia, il lavuratori dad art da naiv, il lavuratori per culissas da fotografias eui. spüertas stimedas, inua cha la creativited dad iffaunts e giuvenils vain stimuleda suot l‘instrucziun dad artists.